කළුතර දිස්ත්‍රික්කයේ ප්‍රධාන ලේකම් කාර්යාලයක ප්‍රවාහන වෛද්‍ය අංශයේ ලිපි කාරිනියකගේ හා ඇගේ හොර සැමියාගේ ජංගම දුරකතනවල තිබූ ඔවුන්ගේම නිරුවත් ඡායාරූප කොළඹ විශ්වවිද්‍යාලයේ පරිගණක විද්‍යා අංශයට යොමුකර ඒ පිළිබඳ වහාම තාක්‍ෂණික වාර්තාවක් ඉදිරිපත් කරන්නැයි මතුගම අති‍රේක මහෙස්ත්‍රාත් තරංගා මහවත්ත මහත්මිය කළුතර කොට්ඨාස ළමා හා කාන්තා කාර්යාංශයට නියෝග කළාය. පස්දුන්කෝරලයේ සිටින ප්‍රධාන
පෙළේ දේශපාලනඥයකුගේ සුරතලියක්ව සිටි අනුහසින් රැකියාවක් ලබාගත්තේ යයි කියන එම කාන්තාවගේ සහ ඇගේ අනියම් සැමියා යැයි කියන ලංගම රියැදුරකුගේ ජංගම දුරකතනවල අසැබි දසුන් පිළිබඳ මෙසේ වාර්තා කැඳවීමට නියෝග කළාය. විවාහක සැමියා විසින් අතහැර දමන ලද එම කාන්තාව මතුගම ප්‍රදේශයේ සිට රැකියාවට යන අතරතුර බස් රථ රියැදුරකු හා මිතුරුව අනියම් අඹු සැමියන් බවට පත්ව ඇත ඒ අතරතුර මෙම කාන්තාවගේ පහසට රැවටී බස් රථ රියැදුරු රුපියල් ලක්‍ෂ ගණනක මුදලක් අත මාරුවට කාන්තාවට ලබාදී ඇත. එම දෙදෙනා තම තමන්ගේ ජංගම දුරකතනවලින් එකිනෙකාගේ නිරුවතද ඡායාරූපද ගත කර තිබේ.
එහෙත් එම කාන්තාව තවත් තරුණයකුගේ සුරතලියක් බව දැනගත් බස් රථ රියැදුරු පෙම්වතා තමා දුන් මුදල් ඉල්ලා ඇයට කරදර කර ඇත. කාන්තාව මේ පිළිබඳ පොලිසියට පැමිණිලි කිරීමෙන් පසු දෙදෙනාගේ ලිංගික රූගත කිරීම් සොයන්නට කළුතර කොට්ඨාස ළමා හා කාන්තා කාර්යාංශයට පැවැරිණි. අවසානයේ එම කාර්යාංශයද මේ පිළිබඳ මතුගම මහෙස්ත්‍රාත් අධිකරණයේ පිහිට පැතුවේය. ජංගම දුරකතනවල ඇති එකිනෙකාට ප්‍රතිවිරුද්ධ ඔවුන්ගේ නිරුවත් ඡායාරූප පිළිබඳ තාක්‍ෂණික වාර්තා ලබා ගන්නට අධිකරණය කාන්තා කාර්යාංශයට නියම කළේය. කළුතර කොට්ඨාස භාර පොලිස් අධිකාරි රන්මල් කොඩිතුවක්කු මහතාගේ උපදෙස් අනුව කළුතර කොට්ඨාස ළමා හා කාන්තා කාර්යාංශය මේ පිළිබඳ පරීක්‍ෂණ පවත්වයි.